گلچین نغمـه های غم4

***************
زبانحال حضرت امام حسین دربالین حضرت ابوالفضل علیـهم السلام
استادهادی اردبیلی
سبک:الهی دفن ائدیم نجه
سپهرغصه ده باتان شکسته ماهیم آچ گوزون
گوزومده تاراولوب جهان ایـاپناهیم آچ گوزون
ح سس وئروفالی قارداش
داریخدی سینم یـارالی قارداش

اؤیـاره لردگیدی کاش منیم بوقلب زاریمـه
آخیدی باشیمون قانی قانون کیمـی عذاریمـه
آخان گوزون دوشن قولون عمودیلن سینان باشون
بوکوبله قدیمـی منیم سالوبلا اود قراریمـه
بوداغلی سینم چکورشراره
گوزآچ ح ائله نظاره

مـیان نخلزا سویـاگوره یولون دوشوب
کشیده سرولرکیمـی تبردگوب خولون دوشوب
گوزوم دوشنده جسموه باشون کیمـی بلیم سینوب
نـه حاله پیکرون قالوب گوزاوخلانوب قولون دوشوب
ساییلمـیاندی سینونده یـاره
سمادی جسمون یـارون ستاره

نـه تک ئولوبدی قارداشیم ئورک یـانورعزالیـام
نـه تک بوعرصه گاهیده آدامسیزام بلالیـام
هرعضووه دگوب یـارامنیمده قلبیمـه دگوب
سنان ئورک یـاراگوروب ئوزون کیمـی یـارالیـام
شکسته نی تک ئورک سیزیلدار
گوزه گورونمزئورک یـارام وار

اولوب ایشیم بوگون منیم شکسته قلبی داغلاماق
ئورک قانین یـارون کیمـی سولان جماله باغلاماق
ئولنده اکبرآغلادیم ولی بوحاله قالمادیم
گولورقشون من آغلورام نـه سختیمش تک آغلاماق
غریب اولانلاربونی بیلرمـیش
تک آغلیـاندا عدو گولرمـیش

لباس عشقی قلبیدن بوگون سویوب گئدنمورم
ئوپوب یـارادگن گوزون گنـه دویوب گئدنمورم
عبانی سرمـیشم یره یوخومدی بیرنفرکمک
یـارالیسان آپارماسام سنی قویوب گئدنمورم
بوخسته پیکرگئدورمنیله
عزالی روحیم قالورسنیله

غرض دوروب دوشوب یولاحسین آتانمادی قدم
سرشگی آخدی صورته بوسوزلری ائدوب رقم
گئدوم خیـامـه باش چکوم گوزتلیوربالالاریم
اوکییلدی چاره سی علاج سیزقالان منم
حسینی ایله دعا ابوالفضل
ئورگی اولسون رها ابوالفضل

بیرآزگئدورگنـه دورورسرشگی صورته آخور
بلاوغصه رعدتک یـارالی قلبینـه شاخور
خیـامـه ساری قصدائدوب ایـاقی گلمـیورگئده
بلینده اللری دونورکنارعلقمـه باخور
دیوردمادم جان آی یـارالی
فلک گورائتدی سنی هارالی

نـه باعث اولدی گئتمدون بوچولده ایلدون وطن
قوم اوسته پیکرون قویوب نجه گئدوم خیـامـه من
سوروشسالارسوسوزلاریم سوجامـی اده خیمـه ده
سنون بوحاله قالماقون نجه حسین ائدرعلن
بیرآیری چاره یوخ ایندی قارداش
خیـامـه گئتمک چتیندی قارداش
***************
حضرت ابوالفضل العباس علیـه السلام: زبانحال امام حسین علیـه السلام
مرحوم حاج حسین عابد متخلّص بـه یتیم معروف بـه مولانا
( استاد مولانا یتیم )
گَلدیم یتیشم فریـادیوه من دور ای سنـه من قربان یـارالی
سقّا سن اوزون امّا ویریسن جانانیوه جان عطشان یـارالی
تذهیب اولونان قرآن کیمـی وار جسمون گورورم قاندان شفقی
ازبسکه یـازوب شمشیر جفا صد پاره دوشوب هر بیر ورقی
جسمون ایله بیر ترکیب تاپوب گویـا داغیلوب بیر گُل طبقی
یـا اینکه دوشوب بیر سرو روان خاکیله اولوب یکسان یـارالی

عشقونده وفا اثباتینـه سن هر رنج و غمـی تصویب ایلدون
بو نیّتیله دامان دلی هر خاطره دن تهذیب ایلدون
جان تشنـه جگر بذل ایلماقا اوز نفسیوی چوخ ترغیب ایلدون
خوش طرزیله که تا پایـانـه یته اوّلده اولان پیمان یـارالی

قانون دوزولوب بو عارضیوه شبنم دیـه سن گلبرگ تره
یـا انجمـیله پیرایـه ویروب مشاطه ی غم قرص قمره
هر یـاره ایدور جسمونده عیـان مـین باب محن اهل نظره
حسرتله سنون جان ویرماقیوی دنیـایـه ویرور اعلان یـارالی

گوردوقجا سنی بو حالیده من صبریمـیلوب چارم آزالوب
حیرانم اوزوم هم آی دوتولوب، هم سیرینـه گون آواره قالوب
آچ گوزلریوی باخ گور نجه بیر گُل پیکریوه گون سایـه سالوب
قانیله دولان حسرت گوزیوه عالملر اولا قربان یـارالی

جان ویردون اوزون جانانـه منیم جان ویرماقیما تعجیل ایلدون
سینمده اولان مُجمل غمـه سن تشریح ویروب تفصیل ایلدون
بیر نوع ولی اسلامـه بو گون اوز خدمتیوی تکمـیل ایلدون
حاشا کـه تاپا سندن صورا بو شرع نبوی نقصان یـارالی

پیمانـه ی غم ایچدیردی سنـه انجام سر پیمان ازل
عزمونده ولی اوخ نیزه قلج ایتموبدی عیـان بیر ذرّه خلل
اَلدن اَل اوزوب ترک سر ایدوب تحکیم اولا که تا بنیـان امل
شوقاً ایلدون بیر جفت اَلیله جان پیشکش جانان یـارالی

قتلونله سنون هر چند منـه چوخ تنگدی بو وسعتله فضا
منده گَلرم آردونجا سنون مختوم اولا که تا فرمان قضا
دور خیمـه لره قیل بیرده گذر گور زینب اولار بو حاله رضا
سیننده آچوب سنبل کیمـی پر هر زهرلی بیر پیکان یـارالی

صبر ایلماقی هر نوع غمـه امـیال دله زنجیر ایلدون
تدبیر خِرد نـه حاله دوشوب سر درون قدم تقدیر ایلدون
غم مصحفینون آیـاتینی که تا عاشقلر اوچون تفسیر ایلدون
تفسیرینـه بو آیـاتین اولوب آنّونداکی اوخ عنوان یـارالی

مرسومـیدی گون ایستر کـه اوزه مغربده سالا نیلینـه خِمار
نوری آزالوب رنگی سارالار انوار شفق اطرافین آلار
بو صون نفسی گون تک گورورم یر اوزره سنی بی تاب و قرار
رنگون سارالوب قانیله ولی رخسارون اولوب الوان یـارالی

بیر عمر یتیم ایلوبدی شـها مشعوف اورگین بو نیّتیله
آخِر نفسی جویـا اولاسن حال دلینـه چوخ رافتیله
لبریز ایلیوب کاسه سینی خونابه ی غم بو حسرتیله
به بـه نـه گوزل مقصوده چاتار گر ایلسه سن احسان یـارالی